Самырык каратист Россий таҥасымаш гыч «шӧтрньӧ» дене пӧртылын
Чыла стилян каратэ дене Российын первенствыж гыч Волжск оласе спортсмен шӧртньӧ медальым конден. Таҥасымаш Орёл олаште эртен. Марий Элын сборный командыже икмыняр призовой верым налын. А спортсмен- влак 50 кундем гыч лийыныт. 70 килограмм марте нелытан- влак коклаште эн кӱкшӧ тошкалтышыш Волжск гыч Матвей Борисов кӱзен. 16 ияш спортсменым Российын спорт мастерже Артём Гиносян туныкта. Ушештарена: республикын командышкыже Матвей Озаҥ олаште Российысе кумшо студент модмаште кокымшо верым налмыж деч вара логалын. Мемнан сборныйын рвезыже- влак кокымшо кечын гына шкеныштым тичмаш ончыктен кертыныт. Моло ийгот категорийыште Марий Эл гыч кум каратист кокымшо верыш лектын, Даян Хаитов нылымше лийын. Чыланат Волжск гыч улыт.
