Рӱдӧ оласе вӱд системыште аварий лийын

                Йошкар-Ола да ола воктелсе илемлаште кок тӱжемат 500 еҥ йӱштӧ вӱд деч посна кодын. Теҥгече Ураев бульвар ден Киров урем корнывожышто йӱштӧ вӱдым пуышо пуч локтылалтын. Граждан оборона да калыкым аралыме комитетын ончыктымыж почеш Ураев бульварысе ныл пӧрт, Семёновка селан ужашыже, Савино, Данилово, Якимово ял- влак- чылаже кок тӱжемат 500 еҥ вӱд деч посна шинча. Тиде кундемыште кум социал объект верланен. Тиде- Савинысе «Солнышко» интернат-пӧрт, Савинысе школ- интернат да Семёновкысо икымше номеран Республикысе психиатрический эмлыме вер. Оласе «Водоканал» МУП-ын специалистше- влак аварийым кораҥдымаште тыршат.

Прошлые выпуски