Республикын тӱҥ ёлкыжым вес арнян вераҥдат

Республикын тӱҥ ёлкыжым вес арнян вераҥдат
Республикын тӱҥ ёлкыжым вес арнян вераҥдат. Ленин лӱмеш площадьыште ямдылалтме сомыл шочмын тӱҥалеш. Тудым погымо да сӧрастарыме паша 17-ше гыч 19-ше декабрь марте шукталтеш. А пайрем мероприятий- влак 20-шо числа гыч тарванат. 19-ше январь марте кажне кечын площадьыште пайрем кумыл озалана, поснак пайрем кечылаште. Тений тӱҥ площадьыште ий каток ок лий. Мэрийын пунчалже почеш тудым уэмдыме Сеҥымаш паркыш кусарыме.
              Марий Эл гыч 28 тунемшым Москош элнан тӱҥ ёлкышкыжо ӱжыныт. 25-ше декабрьыште Кугыжаныш Кремль Полатыште тӱшка российысе у ий ёлко лиеш. Тушто марий Элынат делегацийже участвоватла. 28 еҥ коклаште тулык йоча, опекыш налме, воин порысым шуктымо годым эмганыше ача-аван икшывышт, шуко шочшан, начарын илыше, тичмаш огыл ешла гыч ӱдыр-рвезе- влак, отличнын тунемше, тӱрлӧ конкурс, олимпиаде спорт таҥасымашлаште сеҥыше- влак улыт. Ик рвезе моло еҥын илышыжым утарыше улеш. Нуным опытан педагог, врач –педиатр, правам аралыше органын еҥышт ужатен каят. Ӱдыр- рвезе- влак У ий ёлко деч посна. Йошкар площадьыште катокышто мунчалтат, Москвариумыш мият, Куклачёвын театрыштыже представленийым ончат.
                Марий Эл гыч эше 18 тунемшым Угарманыш У ийым пайремлаш кая. Тушто Юл кундем округын пайремже 24-ше декабрьыште, полпред Игорь Комаровын тергымыж почеш лиеш. Погынышо- влаклан Угарман Кремльыште У ий пайремым да ола мучко экскурсийым эртарат.

Прошлые выпуски