Республикысе пасулаште тӱҥ паша тӱҥалын
Ял озанлык пашаеҥ- влак шурно пасуш лектыныт. Эн ончыч тиде пашашке «Звениговский» СПК-ан пашаеҥже- влак ушненыт. Нуно 150 гектар кумдыкышто кокияш уржам тӱредыныт. А Курык марий районышто эр шушо пареҥге ден ковыштам погаш тӱҥалыныт. Роколмам 150 тонным лукмо, ковыштам 50 тонным руымо. Тений республикысе мланде пашаеҥ- влаклан 123 тӱжем гектар гыч пырчан да пырчан-отызан культурым поген налман, кок тӱжемат 300 гектарыште пареҥгым лукман, тӱжемат 400 гектарыште саскам погыман. Пашам кӱрылтде шукташ манын, ял озанлык техникым, коштымо да ойыркалыме оборудованийым, пырчым, пареҥгым, саскам аралыме клатым сайын олмыктымо, йӱлышӧ да шӱрымӧ материалым шапашлыме.
