Республикын ветеринарий комитетшым вуйлатыше Валентина Вавилова Россий кӱкшытан совещанийыште участвоватлен
Кодшо кечылаште Республикын ветеринарий комитетшым вуйлатыше Валентина Вавилова Россий ял озанлык министерствын ветеринарий департаментшын элласе ветслужбылам вуйлатыше- влак дене эртарыме совещанийыште участвоватлен. Погынымаш Рӱдӧ да Юл кундем федерал округла кундемыште лӱдыкшӧ кайык грипп шотышто ситуацийлан полеклалтын. Элысе 14 регионышто чайка да сурт кайык коклаште кайык гриппын 28 эпизоотический очагыштым регистрироватлыме. Юл кундем округышто тыгай верым Марий Элыште, Киров областьыште да Удмурт республикыште рашемдыме. Участник- влак ончылно регионласе сурткайык предприятийлан биологий аралтышыштым кугемдаш, кайык грипп шотышто мониторингым вияҥдаш, ир кайыклан сурт кайык предприятий кӧргышкӧ пураш чаракым ышташ, илемла йыр иркайыкын чотшым регулироватлен шогаш, предпрятийлашке тушто пашам ыштыше- влакым санпропускник гоч веле пурташ задачым шындыме.
Республикысе ветеринарий комитетын уверже почеш Марий Элыште кайык гриппын у очагшым рашемдыме. Йошкар-Ола воктелсе Чихайдарово ер воктене колышо колшыре- чайке- влакым верештме. Ветеринар- влак кайык грипп черым пеҥгыдемден ончыктеныт. Кызыт чер шарлыме ваштареш мероприятий- влак эртаралтыт,- увертара ветеринарий комитет. Ушештарена: май тӱҥалтышыште Вечын селасе, Советский посёлкысо Митюково ял воктелсе пӱялаште да ола воктелсе Изи Какшан эҥерыште колышо кайык- влакым верештме ыле. Чыла верыштыжат кайык гриппым палемдыме.
Фото: Ветеринарий комитет.
Республикысе ветеринарий комитетын уверже почеш Марий Элыште кайык гриппын у очагшым рашемдыме. Йошкар-Ола воктелсе Чихайдарово ер воктене колышо колшыре- чайке- влакым верештме. Ветеринар- влак кайык грипп черым пеҥгыдемден ончыктеныт. Кызыт чер шарлыме ваштареш мероприятий- влак эртаралтыт,- увертара ветеринарий комитет. Ушештарена: май тӱҥалтышыште Вечын селасе, Советский посёлкысо Митюково ял воктелсе пӱялаште да ола воктелсе Изи Какшан эҥерыште колышо кайык- влакым верештме ыле. Чыла верыштыжат кайык гриппым палемдыме.
Фото: Ветеринарий комитет.
