Йошкар-Ола епархийыш Японийын посолжо толын

Йошкар-Ола епархийыш Японийын посолжо толын
             Йошкар-Ола епархийыш Японийын посолжо толын. Епархийыш тыглай визит дене Российыште Японийын чрезвычайный да полномочный посолжо Тоёхиса Кодзуки пелашыже Хироко дене толын. Пелашыже православий иконопись дене  пашам ышта. Мутлан кызыт тудо святитель Николай Японскийын юмоҥжым сӱретла. Еш мужыр Кодзуки Ежово селасе Мироносицкий монастырьыште архиерей службышто лийын. Вара Рӱдӧ оласе Сергий Радонежский лӱмеш гимназийын директоржо, Орланыше Татианан храмжын настоятельже протоиерей Евгений Сурков ола мучко экскурсий дене коштыктен. «Юмынаван «Троеручица» юмоҥажын кончымашыже» скульптура композицийым онченыт, Йошкин пырыс дене пырля фотосӱретым ыштеныт вара Изи Какшан сер мучко храм ден чапкӱ- влакым ончен каналтен коштыныт. Тыге епархий виктемыш, Благовещений кафедрал соборыш, православий рӱдерыште юмоҥам сӱретлыме мастерскойыш миеныт. Мемнан мастар- влак госпожа Хироком усталык секрет дене палдареныт. Унан кумылжым юмоҥам шӧртньӧ дене леведме, пӱчкын ыштыме орнамент, тошто юмоҥам уэмдыме паша утларак кумылаҥден.
           Фото: Йошкар-Ола епархий.

Прошлые выпуски