Республикысе туныктышо-влак профессионал мастарлыкыштым тергат

Йошкар-Олаште туныктышо да воспитатель-влакын профессионал мастарылыкыштым тергыме шотышто конкурс тӱҥалын.

Эпидемиологий ситуацийлан кӧра тений тудо моло ийласе деч ойыртемалтеш да очно-заочный формат дене эрта. Йоча-влак дене палемдыме чыла гаяк мероприятий-влак дистанционно эртаралтыт. А теве, мутлан, урок деч ӧрдыжсӧ пашам да ача-ава-влаклан семинарым программа гыч йӧршеш кораҥдыме. «Йыргешке ӱстел» ден конкурсым иктешлымаш 18-ше сентябрьыште Советский поселкышто лиеш. Тиде районын педагогшо Людмила Кукарева кодшо ийын «Идалыкын туныктышыжо» конкурсышто сеҥыше лийын.

Палемден кодыман: тений «Идалыкын туныктышыжо» конкурсышто 15 еҥ, «Идалыкын воспитательже» конкурсышто 14 еҥ шке вийыштым тергат. «Марий йылмым эн сайын туныктышо» лӱм верч 7 педагог таҥаса.

Прошлые выпуски