Марий Элыш кум миллион теҥге наре окса толшаш.
Социальный льготым налше-влаклан Марий Элыш кум миллион теҥге наре окса толшаш.
Россий Федерацийын премьер-министрже Михаил Мишустин социальный услугым пуаш регион-влаклан оксам ойырымо шотышто документым пеҥгыдемден. Тудын почеш, Марий Эллан кок миллионат 900 тӱжем теҥге ойыралтеш. Кугыжаныш окса льготник-влаклан кӱлеш эм ден медицине препаратым налаш кая. Социальный услугым налше-влак радамыш инвалид, Кугу Отечественный сарын ветеранже, Чернобыльышто лийше ден инвалид йоча-влак пурат.
