Республикыште калык усталыкым поддерживатлат
Республикыште калык усталыкым поддерживатлат. Медведево районысо Пӱкшерме ялысе фольклор пӧртыштӧ Марий Эл Кугыжаныш Погынын тӱвыра шотышто комитетшын ӧрдыжтӧ эртарыме заседанийже лийын. Депутат- влак республикыште тӱвыра нерген законын кузе шукталтмыжым да ялласе клублаште усталык колектив- влаклан полшымо йодышым каҥашеныт. Погынышо- влак модулян у Фольклор пӧртым ончен лектыныт. Тудым ик ий ончыч тошто пӧрт олмеш чоҥеныт. Уна- влаклан этнографий экспозицийым ончыктеныт. Республикыштына 297 тӱвыра пӧрт шотлалтеш. Тушечын 89 процентше яллаште улыт. Тушто тӱжемат 800 усталык коллектив тырша, тушко 20 тӱжем наре еҥ коштеш.
Парламентым вуйлатыше Михаил Васютин палемден: клуб- влакым чоҥымо да олмыктымо дене гына огыл, тушко усталык илышым шыҥдарыман. Тӱвыра министрын алмаштышыже Александр Луничкин увертарен: пытартыш ийлаште 19 тӱвыра пӧртым олмыктымо да кум уым чоҥымо. Но нелылыкат уло: усталык кружок да тушко коштшо- влак шагалемыт, самырык специалист- влак огыт сите. Ӱшаным «Земский тӱвыра пашаеҥ» программылан ыштат. Тудо шушаш ийын яллашке 20 наре специалистым кумылаҥдышаш.
Фото: Марий Эл Кугыжаныш Погынын пресс-службыжо.
Парламентым вуйлатыше Михаил Васютин палемден: клуб- влакым чоҥымо да олмыктымо дене гына огыл, тушко усталык илышым шыҥдарыман. Тӱвыра министрын алмаштышыже Александр Луничкин увертарен: пытартыш ийлаште 19 тӱвыра пӧртым олмыктымо да кум уым чоҥымо. Но нелылыкат уло: усталык кружок да тушко коштшо- влак шагалемыт, самырык специалист- влак огыт сите. Ӱшаным «Земский тӱвыра пашаеҥ» программылан ыштат. Тудо шушаш ийын яллашке 20 наре специалистым кумылаҥдышаш.
Фото: Марий Эл Кугыжаныш Погынын пресс-службыжо.
