Марий Элыште врач-влак огыт сите

Марий Элыште врач-влак огыт сите

Марий Элысе медицине тӧнежлаште 319 врач огеш сите. Кызыт 2 тӱжем 138 врач да 5 тӱжем 600 наре кыдалаш медпашаеҥ-влак тыршат.

Республикысе тазалыкаралтыш министерствыште увертарыме почеш, медицине вузлашке тунемаш пураш кумылан-влакат шагалемыт. Специалитет программа дене квота 78 процентлан, ординатурышто 73 процентлан веле темын. А теве медколледжыш, чаманен ойлат специалист-влак, целевой набор уке. Тунем лекшыжат эмлымверлашке пашаш огыт кай.

Медициныш пашам ышташ толшо-влаклан тӱрлӧ полыш пуалтеш. Служебный илыме верым але тӱшкагудышто верым пуат, айлен илымылан ешарен тӱлат. Яллаште пашам ыштыше-влаклан пашадарыш посна ешартыш уло. Тыгак коммунал услугылан компенсаций пуалтеш, икшывыштлан йочасадыш верым ойырат да тулеч моло.

Тенийысе пелийыште врач да кӱшыл шинчымашан медицине специалист-влакын кокла пашадарышт 97 тӱжем наре, медшӱжар-шамычын 48 тӱжем наре, изирак медперсоналын 41 тӱжем теҥге лийын.

Прошлые выпуски