Россий МИД-ын Йошкар-Оласе представительствыже книгагудылан «Своих не бросаем» савыктышым пӧлекла

                 27-ше январьыште Россий МИД-ын Йошкар-Оласе представительствыже Сергей Чавайн лӱмеш калыкле книгагудылан пӧлек семын Россий МИД-ын да ТАСС увер агентствын ямдылыме «Своих не бросаем» савыктышыжым пуа. 2020-шо ий тӱҥалтыш шарнаш кодшо кугу событий- влак дене палемдалтын. Коронавирус черын шарлымыжлан кӧра кугыжаныш чек- влак петыралтыныт, тӱнямбал да эл кӧргысо авиакыл кӱрылтын, пеҥгыде карантин пурталтын. 18-ше март гыч 21-ше сентябрь марте федерал кучем ден авиакомпаний- влак, Российысе дипломат представительствыла дене пырля Российыш 313 тӱжем еҥым 138 эл гыч конден кертыныт. Тиде пеш кугу тыршымашым йодын. Чыла тидын нерген «Своих не бросаем» савыктыш каласкала. Тушто ятыр фото сӱретым, видеосюжетым, событийыште лийше еҥ- влакын каласкалымашыштым вераҥдыме. Книган презентацийже 27-ше январьыште 9 шагатат 30 минутышто Чавайн лӱмеш книгагудышто лиеш.

Прошлые выпуски