Йот элла гыч толшо 15 еҥын ковид чержым пеҥгыдемден ончыктымо
Йот элла дене авиакылым уэш ыштымеке, Марий Элыш тора кундемла гыч вич тӱжемат 548 еҥ толын. Тушечын вич тӱжемат 140 еҥже «Кугыжаныш полыш» интернет-порталыште анкетым возен. Вич тӱжемат 296 еҥже икымше кум кече жапыштак ковидлан ПЦР йон дене тергымашым эртен. Тидын годымак 46 еҥ- 32 кугыеҥ да 14 йоча тергалтын огытыл. Кум кече деч варарк 28 еҥ- 24 кугыеҥ да 4 йоча тестироватлалтын. Кок йоча шотышто ковидлан чынак тергалтме але уке шотышто правам аралыше органыш уверым колтымо. Молыжым Роспотребнадзор виктемыш рашемдашлан ӱжмӧ. 21-ше январьлан шотлымаште, 56 материалым судыш колтымо. Тыге 51 еҥлан 445 тӱжем утла теҥге штрафым тӱлыкташ ыштыме. Моло материалже кызыт судышто ончалтеш. Кызытсе жаплан йотэлгыч толшо 15 еҥын чержым пеҥгыдемден ончыктымо: 14 кугыеҥын да ик йочан. Тергымаш умбакыже шуйна.
