Йошкар-Ола- Москва поезд ынде кече коден кошташ тӱҥалын
Йошкар-Ола- Москва поезд ынде кече коден кошташ тӱҥалын. «РЖД» акционер ушем Российысе ятыр поездын коштмо жапшым вашталтен. «Марий Эл» поезд Москошко ынде кажне кечын ок кошт. Моско гыч тудо чётный кечын лектеш, А Йошкар-Ола гыч мӧҥгешла, нечётный кечын тарвана. Расписанийым 14-ше декабрь марте пеҥгыдемдыме. «РЖД»-н увертарымыж почеш, тидыже эпидемиологий ситуацийлан кӧра коштшо калыкын шагалеммыж дене кылдалтын.
