Пел ий жапыште Марий Эл 77 эл дене ужалкалыме кылым кучен
Тенийсе икымше пелийыште Марий Элын внешнеторговый оборотшо 223 миллиард долларым эртен. Тидын нерген республикысе экономичсекий вияҥмаш министерствые увертарен. Юл кундемысе таможня виктемын ончыктымыж почеш, кодшо ий дене таҥастарымаште внешне торговый оборот 15 утла процентлан шагалемын. Экспорт 179 миллион долларым эртен, 18 процентлан шагалемын, импорт 44 миллион утла доллар лийын да ныл наре процентлан иземын. Тыге экспортыш сатум шукырак колтымо. Импорт дене ойыртемже 134 миллион долларыш шуын. Пел ий жапыште Марий Эл 77 эл дене ужалкалыме кылым кучен. Нунын коклаште шукыракше тора йотэл дене кыл ышталтын. Йотэлыш колтымо сату гыч утларакше топливно-энергетик комплексын продукцийже, пушеҥге да целлюлоз-кагаз сату, машиностроитель продукций улыт. Марий Элыш кондымо сату кокла гыч шукыракше машиностроитель продукций, кочкыш сату да сырьё, химический промышленностьын, кӱртньӧ да кӱртньӧ сату лийыныт. СНГ эллашке 26 миллион долларлан сатум колтымо, тушечын 2,6 луаш миллион долларлан сатум кондымо.
