Сеҥымаш парад марте чыла вере корнавирус чер эше лушкен ок шу
Российын 13 олаштыже Кугу Сеҥымашлан 75 ий темме лӱмеш пайрем шествийым огыт эртаре. Тудым 24-ше июньлан палемдыме. Нине олалаште корнавирус чер эше лушкен огыл. Пайрем шествий Псков ден Вологдышто, Ярославль ден Орёлышто, Курск ден Белгородышто, Пермь ден Пензыште, Саранск ден Челябинскыште, Нижний Тагилыште, Петропавловск ден Якутскышто ок лий. Йошкар-Олаште теҥгече да эрла Парадын репетицийже лийшаш да транспортлан корным петырышаш улыт ыле, но теҥгече олан мэрийже увертарен: транспортлан чарымаш кораҥдалтеш. Но кызытеш пайрем шествий шотышто официальный увер уке.
