Спорт туризм дене Российын Чемпионатше гыч Марий Элын сборныйжо вич медальым конден
Спорт туризм дене Российын Чемпионатше гыч Марий Элын сборныйжо вич медальым конден. Карелийыште ечыгорнышто спорт туризм дене Российын Чемпионатше эртен. Тушко элысе 16 регион гыч 106 спортсмен миен. Пӧръеҥ команде- влак коклаште сеҥыше- влак тыге радамлалтыныт: икымше верым Марий Элын сборныйжо налын. Тудын раамыште Рустам Урдяков, Георгий Дмитриев, Вячеслав Демьянов, Михаил Тарасов улыт. Кокымшо верыш Коми республикын, кумшыш Челябинск областьын командыже лектыныт. Ӱдырамаш команде- влак коклаште икымше верым Белгород областьын командыже налын, кокымшым- Марий Элын. Тушто Мария Петренко, Алия Ибрагимова, Екатерина Николаева, Ксения Мубаракшина таҥасеныт. Кумшо вер Санкт-Петербурглан логалын. Чемпионатын лектышыже почеш команде- влак коклаште икымше верыш Марий Эл лектын, кокымшыш Коми, кумшыш- Хант-Манси автоном округ- Югра. Медаль шот дене икымше вер Коми республикын- кум шӧртньӧ да кок ший, Кокымшо вер- Марий Элын кок шӧртньӧ да кум ший, кумшо вер Белгород областьын- ик шӧртньӧ да ик ший медаль. Вара Челябинск, Свердловск область, Санкт-Петербург да ХМАО-Югран командышт верланеныт.
Фото: Спорт-туризм министерстве.
Фото: Спорт-туризм министерстве.
