Шахмат дене олан первенствыже

                      Шахмат дене олан первенствыже. Кодшо каныш кечылаште Сергей Карякинын шахмат школыштыжо 11 ияш марте йоча- влак коклаште шахмат дене олан первенствыже эртаралтын. Тушко 59 участник возалтын: 47 рвезе да 12 ӱдыр. Ӱдыр- влак коклаште икымше верым Дарья Чупина налын, кокымшышто- Ксения Данилова, кумшышто Полина Пушкарёва лийыныт. Рвезе- влак коклаште Карякинын школжо гыч вигак коктын сеныше радамыш логалыныт. Кумшо верыш Роман Григорьев, кокымшыш Дмитрий Рыбаков лектыныт. Дмитрий ик партийыштат модын колтен огыл, но ик таҥасыме кечым кодашыже верештын. Тудо Чуваш республикысе шахмат федерацийын Кубокшын финалыштыже модын да шке ийгот тӱшкаштыже сеҥышыш лектын. Икымше верым Тимофей Лоскутов сеҥен налын. Тыге Сергей Карякинын школжо гыч Тимофей Лоскутов Олан первенствыштыже сеҥен, а Дима Рыбаков Чувашийысе шахмат федерацийын кубокшын финалыштыже ончыко лектын да олан первенствыштыже кокымшо лийын.
Фото: russianadept.com

Прошлые выпуски