Шояк окса
Марий Элыште шояк оксам шаркалымаш кугемын. Полиций пашаеҥ-влак 5 тӱжем теҥгеаш кагаз оксам кучылтмо годым поснак тӱткӧ лияш йодыт. Сентябрьыште гына 6 тыгай шояк банкотым верештме. Нуным 1997-ше ийыште лукмо кагаз окса гайым ышташ тӧчат. Тыгай купюрым уремысе ужалыме верлаште, пазарлаште, кочкыш сатум ужалыме кугу кевытлаште утларакше шаркалат. Сандене оксам кидышке налмеке, тӱткӧ лийман. Шояк оксам верештмеке, тидын нерген полицийышке шижтарыман.
