Сочи олан мэрже Марий Элын тӱвыра министржылан Тауштымашым кучыктен
Сочи олан мэрже Алексей Копайгородский Марий Элын тӱвыра министржылан Тауштымашым кучыктен. Олам вуйлатыше Константин Ивановлан «Сочиште кеҥежымсе балет тургым» кужу жаплан палемдыме проектым шыҥдарымашке виктаралтше пайдале вашкыллан тауштен. Тудо тыгак министрын профессинал мастарлыкшым да курорт-олам социал-тӱвыра велым вияҥдымашке пыштыме кугу надыржым палемден. Константин Иванов кызыт Сочиште Юрий Григоровичын «Тӱнян самырык балетше» балет артист- влакын Тӱнямбал конкурсыштышт жюрин еҥже улеш. Тиддеч ончыч тудо оласе дендрарийыште тӱвыра событийлан пӧлеклалтше Эллиотта пӱнчым шындыме акцийыште участвоватлен.
Фото: Константин Ивановын ВК-асе лаштыкше.
Фото: Константин Ивановын ВК-асе лаштыкше.
