Национальный премий
Юл да Урал кундемласе федерал округлаште эн сай туризм проект конкурс эртыме да тушто «Бендериада» мыскара фестивальын икымше верыш лекмыже нерген увертаренна ыле. Ушештарена: тудо «Уремыште эртарыме эн сай карнавал да театр сынан представлений» номинацийыште сеҥен. Тиде Тӱнямбал национальный премийыштак Марий Эл гыч эше кок проект ойыртемалтын. Тений икымше гана эртыше «Йошка Еш» гастрономический фестиваль ялысе туризм дене кылдалтше номинацийыште кумшо верыш лектын. А теве скандинав коштмаш дене «Йошкин котоход» фестивальым жюри спецприз дене палемден.
