«Спартак» команде самырык хоккеист- влакын Анатолий Тарасов лӱмеш «Шӧртньӧ шайбе» Россий кӱкшытан таҥасымашын финалышкыже каен
«Спартак» команде самырык хоккеист- влакын Анатолий Тарасов лӱмеш «Шӧртньӧ шайбе» Россий кӱкшытан таҥасымашын финалышкыже каен. Кодшо кечылаште «Марий Эл» Ий полатыште тиде таҥасымашын регионысо йыжыҥже эртен. Тушто 10-11 ияш рвезе- влакын командышт ӱчашеныт. Таҥасымашке ныл команде ушнен: Марий Турек, Мочалище, Параньга посёлкыла да Йошкар-Ола гыч лийыныт. Сеҥышыш Йошкар-Ола гыч «Спартак» лектын. Тудо финалыште модеш. Таҥасымашыже 2-шо гыч 9-ше март марте Астрахань олаште эрта.
