Татарстанысе марий- влакын автономийышт 6-шо погыным эртарен

                    Татарстанысе марий- влакын автономийыштын 6-шо погынышт у формат дене эртен. Тудо кодшо шуматкечын Татарстанысе калык- влакын келшымаш пӧртыштышт лийын. Икымше гана тудо офлайн да онлайн формат дене эртаралтын. Автономийын Уставше дене келшышын, Погын кум ийлан ик гана чумырга. Погынышко Татарстанысе калык политике дене кылдалтше вуйлатыше- влак, автономийлан вуйын шогышо-шамыч да Озаҥ оласе марий еҥ- влак лийыныт. Погынышто почётан уна- влак: марий- влакын федерал автономийыштым вуйлатыше Лариса Яковлева, Марий Тӱвыра рӱдерым вуйлатыше да Кугыжаныш Погынын депутатше Наталья Пушкина лийыныт. Чарыме мероприятийлан кӧра Татарстанысе 13 муниципал образованийын автономийышт да Марий Элын представительже- влак онлайн формат гоч чолган ушненыт. Чылам колышт лекмеке Организацийын Уставыштыже вашталтыш- влакым каҥашеныт, Советын, ревизонный комиссийын еҥыштым, автономийым вуйлатышым да тудын алмаштышыже-влакым сайленыт. Йӱклымеке, вуйлатышылан уэш Олег Третьяковым сайлыме.

Прошлые выпуски