Тений Кожино подстанцийын оборудованийжым уэмдаш 57 миллион утла теҥгем колтымо лиеш

Тений Кожино подстанцийын оборудованийжым уэмдаш 57 миллион утла теҥгем колтымо лиеш
            Тений Кожино подстанцийын оборудованийжым уэмдаш 57 миллион утла теҥгем колтымо лиеш. Тиде подстанций Йошкар-Олалан электроэнергийым ситарымаште кугу верым налын шога. Тудо олан пелыжлан тулым ситара. Кожино подстанцийын полышыжо дене Икымше ТЭЦ, Водоканал, Аэропорт пайдаланат, оборона предприятий- влаклан резерв семын полша. Подстанций кӱрылтде пашам ыштыже манын, тудын оборудованийжым уэмдыме шотышто программым ямдылыме. Пашан шуко улмыжо да кугу оксам йодмыжлан кӧра уэмдыме пашам икмыняр йыжыҥлан шеледыме. Мутлан, 2020-шо ийыште Кокымшо ТЭЦ-Кожино да Чигашево- Кожино юж линий- влакым писын аралыше установкым ыштыме. Мероприятийын акше 6 миллион теҥгеш шуын. 2023-шо ийыште виш распределительный устройствын коммутаций аппаратше- влакым вашталтыме. Тидлан 75 миллион теҥгем кучылтмо. Тенийлан релейный аралыме устройство да автоматикым ыштыме, данныйым погымо да колтымо системым ышташ, распределительный устройствым вераҥдаш проект да смета документацийым ямдылаш палемдыме. Тидлан 57 миллион теҥге кайышаш. 2025-ше 26-шо ий- влакланат планым ышыме. Ончылгоч шотлымо акше 32 да 55 миллион теҥге лийшаш. Уэмдымашын иктешлыше йыжыҥже семын кок силовой трансформаторым вашталтымаш лийшаш. Тиде пашалан 160-170 миллион теҥге кайышаш. Кожино подстанцийым уэмдымаш оласе 170 тӱжем утла еҥлан электроэнергийым ситарымашын качествыже кугемшаш.
          Фото: Йошкар-Ола администраций.

Прошлые выпуски