У дене тӧр ошкылшо пенсионер- влакым ойырен налыныт

У дене тӧр ошкылшо пенсионер- влакым ойырен налыныт
             Марий Элыште у дене тӧр ошкылшо пенсионер- влакым ойырен налыныт. Цифран технологий дене эн сайын пайдаланен моштышо пенсионер- влак коклаште республике кӱкшытан конкурсым иктешлыме. Таҥасымашке уло республике гыч 31 еҥ ушнен. Мероприятий «Еш» калыкле проектын «Кужу чулым илыш» программе кышкарыште эртен,- увертара паша да социал аралтыш министерстве. Ӱдырамаш- влак коклаште сеҥышыш Йошкар-Ола гыч Татьяна Пурцакина ден Людмила Ожиганова да Марий Турек район гыч Нина Айшаева лектыныт. Пӧръеҥ- влак коклаште икымше верым Курык марий район гыч Евгений Смелов, кокымшым Морко район гыч Геннадий Филиппов, кумшым Йошкар-Ола гыч Аркадий Осипенников налыныт. «Ачамландым аралыше» специальный номинацийыште боевой действийын ветеранже, Йошкар-Ола гыч Олег Архипов сай лектышым ончыктен. Эн сай участник- влак Марий Элым конкурсын федерал йыжыҥыштыже 23-шо гыч 26-шо июнь марте Рязань олаште ончыктат.
              Фото: Конкурсым ямдылыше- влак.

Прошлые выпуски