Марий книга савыктыш «Йошкар площадь» фестивальыш теният миен

Марий книга савыктыш «Йошкар площадь» фестивальыш теният миен
              Марий книга савыктыш «Йошкар площадь» фестивальыш 150 утла савыктышым намиен. Москошто «Йошкар площадь» 12-шо книга фестиваль 4-ше гыч 7-ше июнь марте эртен. Марий савыктышын стендыштыже 150 тӱрлӧ утла книгам ужаш лийын: ойыртемалтше краеведений, этнографий, йоча савыктыш- влак, Нунын коклаште марий йылме денат книга- влак лийыныт,- увертарен «Марий книга савыктыш» Издательский пӧрт» виктемым вуйлатыше Эдуард Иманаев. Фестиваль Российысе тӱрлӧ кундем да йот элла гычат 400 утла издательствым чумырен. Тушко 800 тӱжем утла уна миен.
             Фестивальыште «Марий Эл Республикысе калык- влакын историй ден тӱвырашт» книган презентацийже эртен. Тудым Калык- влакын икоян улмо идалыкшыте савыктен лукмо. Книган ойыртемже нерген автор- влак кокла гыч иктыже- МарНИИЯЛИ-н вӱдышо шанче пашаеҥже Сергей Свечников каласкален.
             Презентаций жапыште марий тӱвыра рӱдерын «Сото вий» ден «Падыраш» ансамбльже- влак мастарлыкштым ончыктеныт. Фестиваль кышкарыште тыгак регионласе савыктышлам вуйлатыше- влак дене конференций да «Регионлан ойыртемалтше книгаштын каталогшын» презентацийже лийын.
           Фото vk.com/id601355995

Прошлые выпуски