У Торъял школышто тунемше Российысе олимпиадын призёржо лийын
У Торъял школышто тунемше школьник- влакын Российысе олимпиадыштын иктешлыше йыжыҥыштыже призёр лийын. Иктешлыше йыжыҥын икымше арняже мучашлалтын. Марий Эл гыч тушто экономике, химий, историй, руш йылме, матетатике, физкультура, биологий, англичан йылме, испан йылме, технологий да географий предмет- влак дене 11 участник Марий Элын чапшым аралат. Интеллектуал таҥасымашке эн ончыч экономике, химий да историй дене участник- влак каеныт. Химий дене олимпиаде Белгородышто эртен. Сеҥышат рашемын. У Торъял школышто 11-ше классыште тунемше Григорий Ложкин 280 балл гыч 164 утла баллым поген да призёр радамыш логалын. Ынде республикын чапшым аралаш руш йылме дене участник- влак каят.
Фото: metr12.ru
Фото: metr12.ru
