Волжск олаште посна экономик зоным ыштыме нерген йодыш ончалтеш
Волжск олаште промышленностьым вияҥдаш да производствыш пашаеҥ- влакым кумылаҥдаш посна экономик зоным ыштыме нерген йодыш ончалтеш. Правительстве председательын алмаштышыже Дмитрий Троицкий Волжск оласе бизнес-сообществе дене вашлиймашым эртарен. Тушто ола кундемыште посна экономик зоным ышташ лийме шотышто йодышым каҥашыме. Вашлиймашыште экономически вияҥмаш министерствын, мер организацийлан, ола администрацийын, вӱдышӧ предприятийлан еҥышт лийыныт. Бизнесын еҥже- влак поснак производствышто кадрын ситыдымыжым палемденыт. Посна экономик зоным ыштымаш, Дмитрий Троицкийын мутшо почеш, оласе амалкалче- влаклан производствым вияҥдаш, инвестицийым кондаш йӧным пуа. Мучашлан правительстве вуйлатышын алмаштышыже вуйын шогышо- влаклан экономик зоным ыштыме шотышо йӧным лончылен лекташ кӱштен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
