Марий Элыште коммунал инфраструктурым модернизироватлыме шотышто кугу паша умбакыже шуйна

Марий Элыште коммунал инфраструктурым модернизироватлыме шотышто кугу паша умбакыже шуйна
               Марий Элыште коммунал инфраструктурым модернизироватлыме шотышто кугу паша умбакыже шуйна. Кызыт рӱдӧ олаште канализацийын очистной сооруженийым пужен ыштат. Чоҥышо- влак пашам графикым ончылтен шуктат. Пашан икымше йыжыҥже 2024-ше ийыште мучашлалтшаш. Пашам «Юл эҥерым тазаҥдымаш» федерал проект кышкарыште шуктат. Кум ийлан тушко федерал бюджет гыч ик миллиард утла теҥгем колтымо. Тений да вес ийлан эше 534 миллион теҥгем ойырышаш улыт. Очистной сооружений- влакым да «Водоканалын» коммунал инфраструктуро дене кылдалтше моло йодышыжо- влакым Марий Элым вуйлатыше Юрий Зайцевын эртарыме совещанийыште каҥашыме. «Водоканалын» директоржо Андрей Ерешкин палемден: Оласе Панфилов уремысе канализаций коллекторат аварийный улеш. Ола администрацийлан тиде объект шотышто проект да смете документацийым ямдылаш кӱштымӧ. Марий Элым вуйлатыше палемден: коммунал инфраструктурым радам дене уэмдаш кӱлеш. Правительстве Председательын алмаштышыже Александр Сальниковын мутшо почеш «Коммунал инфраструктурым модернизироватлымаш» республикысе программыш 2023-2027-ше ий- влаклан 8 объектым пуртымо. Нунын радамыште ола ден районлаште вӱдым ситарыше 5 объект да вӱдым йоктарен колтышо 3 объект улыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски