Вес арня гыч балконышто тамакым шупшаш ок лий
Российын правительствыже пожар ваштареш виктаралтше правилыш вашталтышым пеҥгыдемден. Тудын дене келшышын, икымше октябрь гыч пачерын, унагудын, тӱшкагудын балконлаштыже, лоджийыште, пӧлемлаште виш тул дене пайдалаш чаралтеш. Тыгеже калыклан нине верлаште сортам чӱкташ, тамакам шупшаш да шалыкым кӱэшташ ок лий. Тамакам лӱмын келыштарыме верлаште гына шупшаш лиеш. У йодмаш тыгак медицина тӧнеж да кинотеатрлам авалта. Кинотеатр-влак сеанс тӱҥалме деч ончыч пожар годым кузе лийшаш нерген уверым пуышаш улыт. Эмлыме верлаште йоча да чот черле- влаклан палате- шамычым икымше пачашаште гына верландарыман. Ушештарена: у правил икымше октябрь гыч вийым налеш.
