Ялласе книгагудо- влаклан книгам погат
Республикыштына ялласе книгагудо- влаклан книгам погат. «ОНФ Молодёжка» командын еҥже- влак «Ялысе книгагудо- влаклан порылык марафон» Россий кӱкшытан акцийыште сылнымутан литературым погат да тудым ялласе книгагудылаш пуат. Утларакше руш да йотэл классик сылнымутым налыт. Книга сай лийшаш: пеҥгыде коман, кушкедалтдыме да амыртыдыме. Тиде акций кодшо ийын февральыштак тӱҥалын. Кодшо ийын «ОНФ Молодёжка» 500 утла книгам Йӱксар, Медведево, Оршанке книгагудылашке пуэн. Теният тиде пашам умбакыже шуяш лийыныт. Книгам ОНФ-ын регионысо исполкомыштыжо паша кечын 9 гыч 17 шагат марте Ленин проспектысе 29-ше пӧрт, 50-ше пӧлемыште налыт.
Фото: ejin.ru
Фото: ejin.ru
