Йошкар-Олаште ӱп тӱредме верым да спортзал- влакым тергат

Йошкар-Олаште ӱп тӱредме верым да спортзал- влакым тергат. Рӱдӧ олаштына коронавирус инфекций шарлымым шижтарыме шотышто законодательствым пудыртымым рашемдыме мероприятий- влак умбакыже шуйнат. Теҥгече правам аралыше орган, Роспотребнадзор виктем, ола администрацийын еҥышт спортзал, моторлык салон, кевыт да полышым пуышо моло организацийлашке иквереш рейдым эртареныт. Тергымаште еҥ-влак дене пашам ыштыме годым санитар йодмашым шуктымым, толшо да пашам ыштыше еҥ- влакын кидыштым обрабатыватлаш йӧным ыштыме, разметкым пижыктыме да маскым чийымым ончат. Нарушенийым рашемдыме годым административный материал возалтеш.

Прошлые выпуски