«Тӱвыра» калыкле проект почеш республикыштына тенийлан ойырымо окса 100 процентлан кучылтмо лиеш

                       «Тӱвыра» калыкле проект почеш республикыштына тенийлан ойырымо окса 100 процентлан кучылтмо лиеш. Тидын нерген тӱвыра министр Константин Иванов калыкле проектым шыҥдарыме йодыш дене эртарыме селектор совещанийыште увертарен. 16-шо ноябрьлан шотлымаште 98 наре процент ойырымо оксам кучылтмо. «Тӱвыра кумдык» регионысо проект кышкарыште Оршанке районысо тӱвыра пӧртым капитально олмыктымо. Кызыт аныклыме окса кӱшеш Марково тӱвыра пӧртыштӧ паша шукталтеш. У Торъялысе рӱдӧ книгагудым уэмдыме. Тиде проект почешак Яков Эшпай лӱмеш кугыжаныш филармонийын у пӧртшо чоҥалтеш. Тудын 40 процентшым ыштыме. Кум йоча сымыктыш школ ден тӱвыра да сымыктыш колледжлан у семӱзагрым, оборудованийым, тунемме материал- влакым налме. Чавайн лӱмеш калыкле книгагудо книга памятник- влакым цифран форматыш умбакыже кусара. Иванов ешарен: шымлымаш ончыкта: тенийлан палемдыме проект цель тичмаш шукталтшаш.

Прошлые выпуски