Йошкар-Олана! Шочмо кечет дене!
Эрла йӧратыме Йошкар-Олана шкенжын 435-ше шочмо кечыжым палемда. Тений пеш шуко пайрем мероприятийым ямдылат. Икымше гана мотор костюмым чиен таҥошкылмаш лиеш. Тудо кок вер гыч тарвана: Чарла кремль гыч да Ленин лӱмеш тӱвыра полат деч. Эн шуко мероприятийже Патриарший площадьыште лиеш. Уремысе кочкыш фестиваль, театр марафон, эн кугу чак-чак ден эскимом ыштат, моло ойыртемалтше сомылат вучат. Спорт мероприятий-влакат эртат. Молан манаш гын, тиде кечынак Физкультурникын кечыже палемдалтеш. Марий Эл ий полатыште спорт школ- влакын выставкышт, мотоциклет спортын показательный выступленийже, басктбол да футбол дене модмаш- влак лийыт. Патриарший площадьыште Российысе автор да мурызо Денис Майданов концертым ончыкта. 10 шагат кастене пайрем кавам тулсавыш волгалтара.
Йошкар- Олан шочмо кечыж дене оласе калыкым да нунын унаштым Республикым вуйлатыше Александр Евстифеев саламла. Олан ятыр курыман историйже уло. Тудо шке лӱмжылан лач келшен толеш: йошкарге- мотор. Архитектурыжо, каныме верже, мотор уремже, тошто фасадше дене ойыртемалтеш. Поснак тидыже шерге: ола шке тӱсшым уста калыклан кӧра вашталта. Кажныже шочмо кундемдым йӧрата, чыла уэмдаш тырша. Тидлан «Йӧнан илыме кумдык» проект йоным пуа. Тений Пушкин лӱмеш, Ната Бабушкина лӱмеш сквер- влакым пужен ыштыме, урем дене тротуар- влак олмыкталтыт. Идалык мучаш марте Сеҥымаш парк, Чавайн бульварым тӱзатыме лиеш, школ чоҥалтеш, вигак кум йоча сад ямде лийшаш. Икманаш оласе калыкым кугу вашталтыш вуча. Шергакан Йошкар-Ола калык! Пашам йӧратымыланда да шочмо кундем верч тыршымыланда тау. Пырля рӱдоланам эшеат моторракым да йӧнанракым ыштена. Олан кечыж дене саламлем. Пайрем дене!- ойлалатеш республикым вуйлатышын саламлымашыштыже.
Йошкар- Олан шочмо кечыж дене оласе калыкым да нунын унаштым Республикым вуйлатыше Александр Евстифеев саламла. Олан ятыр курыман историйже уло. Тудо шке лӱмжылан лач келшен толеш: йошкарге- мотор. Архитектурыжо, каныме верже, мотор уремже, тошто фасадше дене ойыртемалтеш. Поснак тидыже шерге: ола шке тӱсшым уста калыклан кӧра вашталта. Кажныже шочмо кундемдым йӧрата, чыла уэмдаш тырша. Тидлан «Йӧнан илыме кумдык» проект йоным пуа. Тений Пушкин лӱмеш, Ната Бабушкина лӱмеш сквер- влакым пужен ыштыме, урем дене тротуар- влак олмыкталтыт. Идалык мучаш марте Сеҥымаш парк, Чавайн бульварым тӱзатыме лиеш, школ чоҥалтеш, вигак кум йоча сад ямде лийшаш. Икманаш оласе калыкым кугу вашталтыш вуча. Шергакан Йошкар-Ола калык! Пашам йӧратымыланда да шочмо кундем верч тыршымыланда тау. Пырля рӱдоланам эшеат моторракым да йӧнанракым ыштена. Олан кечыж дене саламлем. Пайрем дене!- ойлалатеш республикым вуйлатышын саламлымашыштыже.
