Йошкар-Оласе Изи Какшан серым тенияк олмыкташ тӱҥалыт
Йошкар-Оласе Изи Какшан серым тенияк олмыкташ тӱҥалыт. Тушто ондакырак ыштыме южо элемент- влак шолдыргаш тӱҥалыныт да нимынярат сӧралын огыт кой. Южо вере штукатурка велеш, чияш комыжлалатеш, мрамор да гранит плита- влак тӧргалт возыт. А тушто оласе калык канен коштеш, турист- влак ятыр толыт. Сандене чылажат мотор да шинчам куандарыше лийшаш. Нине вер- влакым олан мэрже Евгений Маслов лӱмын ончен лектын. Йӱштӧ марте жап пеш шагал кодын гынат, эн кӱлешан пашаже- влакым тенияк ыштыман манын. Улшо проблема- влакым инвентаризироватлыме паша мучашыш лишемеш. Туддеч вара оласе погынымашын депутатше- влак вес ийлан олмыктышаш пашалан окса кугытым палемдышаш улыт. Молан манаш гын, ик миллион теҥге веле огыл кӱлеш лиеш.
А такшым чыла пашам сай качестве дене ыштыман. Сдатлыме деч вара икмыняр ий гыч тыге шолдыргымаш лийшаш огыл. Сандене амалжым шымлаш экспертизым эртарыме лиеш. Тыгакат раш: тӱшка погым лунчырташ вандал- влакат кугун «полшат». Мутлан канализаций решотка йомеш, савар ӱмбач кӱртньӧ шар- влакым шолыштыт, скейтбордист- влак чапкӱ воктелсе плитам пудыртат, урным шалатат. Тиде чылажат бюджет окса кӱшеш шукталтеш а тиде шийвундым вес кӱлешан пашалан кучылташ лиеш ыле.
А такшым чыла пашам сай качестве дене ыштыман. Сдатлыме деч вара икмыняр ий гыч тыге шолдыргымаш лийшаш огыл. Сандене амалжым шымлаш экспертизым эртарыме лиеш. Тыгакат раш: тӱшка погым лунчырташ вандал- влакат кугун «полшат». Мутлан канализаций решотка йомеш, савар ӱмбач кӱртньӧ шар- влакым шолыштыт, скейтбордист- влак чапкӱ воктелсе плитам пудыртат, урным шалатат. Тиде чылажат бюджет окса кӱшеш шукталтеш а тиде шийвундым вес кӱлешан пашалан кучылташ лиеш ыле.
