Йошкар-Олаште иймаш дене таҥасымаш- влак эртеныт

Йошкар-Олаште иймаш дене таҥасымаш- влак эртеныт
            ЛИН спорт дене Российын Чемпионат ден Первенствыштыже Марий Элын командыже шым медальым сеҥен налын. Иймаш дене нине таҥасымаш- влак кодшо арнян Йошкар-Олаште эртеныт. Нуно мемнан республикылан ик шӧртньӧ, ныл ший да кок той медальым конденыт. 50 метрыш баттерфляй йӧн ден иймаште икымше верым Клим Румянцев, кумшым Евгений Волков налыныт. 50 метрыш эрыкан йӧн дене таҥасымаште Клим Румянцев кокымшо, Евгений Волков кумшо лийыныт. 4 да 100 метрыш Эстафетыште Марий Элын пӧръеҥ сборный командыже кокымшо верыш лектын, нылыт да 50 метрыш эстафетыште пӧръеҥ сборный команде тыгак кокымшо лийын. 400 метрыш эрыкан йӧн дене иймаште Наталья Семёнова кокымшо лийын.
            Фото: Спорт-туризм министерстве.

Прошлые выпуски