Йошкар-Олаште Кугу Ачамланде сар нерген изи савыктыш- влакын ончерыштым почыныт
Йошкар-Олаште Кугу Ачамланде сар нерген изи савыктыш- влакын ончерыштым почыныт. Тудым Кугу Сеҥымаш кече вашеш Чавайн лӱмеш калыкле книгагудышто ямдылыме. Тушко 40 книжкам лукмо. Нуно совет калыкын нелылыкым сеҥен лекмыже нерген ойлат. Сылнымут произведенийлам тӱрлӧ жапыште лӱмлӧ да шагал палыме поэт ден произаик- влак возеныт. Южыжо кредалмаште лийыныт, газет корреспондент семынат тыршеныт. Экспонат коклаште Александр Твардовскийын «Василий Тёркинже», Михаил Шолоховын «Айдемын пӱрымашыже», Алексей Толстойын «Руш характерже», Леонид Леоновын «Великошумскым налмашыже», Консатнтин Симонов ден Ольга Берггольцын поэзий произведенийышт улыт. Тиддеч посна ятыр авторын изи формат дене лукмо сборникыштым ончаш лиеш. Экспозиций май мучаш марте пашам ышта.
Фото: Чавайн лӱмеш калыкле книгагудо.
Фото: Чавайн лӱмеш калыкле книгагудо.
