Йошкар-Олаште у понтон кӱварым вашке рончен налыт
Йошкар-Олаште у понтон кӱварым вашке рончен налыт. Ширяйково кундемыште августышто у понтон кӱварым вераҥдыме. Тудо кок микрорайоным ушен шога да калыклан корнысо жапым кӱчыкемдаш полша. Но мэрий тургыжланымашым ончыкта: кӱварлан тылзе утла гына, а воктенже шӱк-куштыра чумырген. Тиддеч посна вандал- влак кӱварын пеҥгыдылыкшым тергат, эре тудым лӱҥгыктат. Кажне тӧрштылмашыже, кудалтен кодымо кленчаже конструкцийлан эҥгекым конден кертеш. Понтон кӱвар тиде неле инженер конструкций. Тудым кече еда специалист- влаклан терген шогаш верештеш. Йӱштӧ толмо дене кӱварым рончат да телылан аралаш оптен пыштат. У тургымышто уэш верышкыже шындаш шонат.
Фото: Йошкар-Ола мэрий.
Фото: Йошкар-Ола мэрий.
