Йошкар-Ола аэропортысо чоҥештен кӱзымӧ да волен шичме полосаште бетон паша мучашыш лишемеш, командно-диспетчер пункт чоҥалтеш

Йошкар-Ола аэропортысо чоҥештен кӱзымӧ да волен шичме полосаште бетон паша мучашыш лишемеш, командно-диспетчер пункт чоҥалтеш
              Йошкар-Ола аэропортысо чоҥештен кӱзымӧ да волен шичме полосаште бетон паша мучашыш лишемеш, командно-диспетчер пункт чоҥалтеш. Полосам пужен ыштыме да диспетчер пунктым чоҥымо пашам Марий Элым вуйлатыше Юрий Зайцев транспорт да корно озанлык министр Александр Герасименко дене каҥашен. Министрын мутшо почеш келшыше паша темпым налме. Шартышын йымал ужашыже ямде манаш лиеш. Тӱҥ тергымаш точкыжо 20-шо октябрьыште лиеш. Тиде жаплан йымал ужашын чыла бетон пашаже мучашлалтшаш. Тиде жапыштак командно-диспетчер пункт чоҥалтеш. Нулевой циклжым мучашлыме, кӱшыл пачаш- влак чоҥалтыт. Республикым вуйлатыше палемден: объектым верысе калыкат, бизнесын еҥже- влакат вучат. Паша кузе кайыме нерген арня еда увертарен шогаш йодам,- каласен Юрий Зайцев.
             Фото: Марий Элым вуйлатышын администрацийжын увер дене пашам ыштыше пӧлкаже.

Прошлые выпуски