Йошкар-Оласе уремла гоч вончымо эн лӱдыкшӧ вер- влак
ГИБДД пашаеҥ- влак Йошкар- Оласе уремлаште корно гоч вончымо эн лӱдыкшӧ вер- влакым рашемденыт. Тиде антирейтингыш 9 вончемым пуртымо. Кугыжаныш автоинспекцийын увертарымыж почеш, тений 1-ше январь гыч 11-ше август марте тушто кажныштыже кум але утларак ДТП лийын. Лӱдыкшӧ шотышто эн ончыл верыш Суворов ден Машиностроитель урем ушнымаште светофоран кундем лектын. Кокымшо верыште- Бауман ден Йыван Кырла уремласе корнывож. Кумшо верыш Ленин лӱмеш тӱвыра полат ончылсо корно оҥго логалын. Тыгак ончылно улыт: Больничный ден Водопроводный, Первомай ден Водопроводный урем- влак, Царьград ден Воскресенский проспект- влак, Лебедев ден Сталинград кредалмышын Геройжо- влак урем ушнымаште да Строитель уремысе 3-шо пӧрт воктелсе вончем.
