Юрий Зайцев Ял озанлык да перерабатыватлыше предприятий пашаеҥын кечыжлан пӧлеклалтше торжественный мероприятийыште лийын

            Таче Марий Элым вуйлатыше Юрий Зайцев Ял озанлык да перерабатыватлыше предприятий пашаеҥын кечыжлан пӧлеклалтше торжественный мероприятийыште лийын. Тудо палемден: агропромышленный комплекс - республикысе экономикын вӱдышӧ корныжо. Тиде арнян пырчан, пырчан да отызан культурым поген пытарыме. Икымше гана кокла шот дене ик гектар гыч 25 центнер пырчым налме. Пареҥгым лукмо паша мучашыш лишемеш, кургым ситышын ямдылыме, вольык озанлык продукцийым налмаш кушкын толеш. Тыгак ял озанлык технике парк уэмеш, урлыкаш вольыкым да пырчым налме паша вияҥеш.

             Поро йӱла семын пайрем кечын АПК-н эн сай пашаеҥже- влак награде дене палемдалтыныт. Республикым социал-экономик велым вияҥдымашке надырым пыштымылан Кугыжаныш Думын депутатше Сергей Казанковлан «Марий Эл ончылно надырлан» орденын медальжым кучыктымо. «Республикыцсе ял озанлыкын сулло пашаеҥже» чап лӱмым Советский районысо «У илыш» колхозын пашазыже Людмила Соловьёва, Марий Турек районысо «Марий Купто» озанлыкын ушкалым лӱштышӧ операторжо Раисия Феоктистова, У Торъял районысо «Первый май» колхозын вольык озанлык цехшым вуйлатыше Елена Юркина налыныт. А Параньга районысо «Победа» озанлыкын ушкалым лӱштышӧ операторжо Марина Шабалина Правительствын Чап грамотыжо дене палемдалтын. Куд еҥлан Марий Элым вуйлатышын тауштымашыжым увертарыме.

             Фото: Марий Элым вуйлатышын организаций да аналитик виктемже.

 

Прошлые выпуски