Марий Элна 9-ше майым пайремлаш ямдылалтеш

              Марий Элна 9-ше майым пайремлаш ямдылалтеш. Йошкар-Олаште Кугу ачамланде сарыште сеҥымылан 79 ий теммылан пӧлеклалтше парадын генеральный репетицийже эртен. Колоннышто Йошкар-Ола гарнизонын военнослужащийже, силовой структурын еҥышт, кадет- влак рыҥ ошкылыныт, оласе тӱн урем дене военный технике кудал эртен. Трибунышто рыҥ ошкыл да техникын эртымыштым Марий Элым вуйлатыше Юрий Зайцев эскерен. Духовой оркестрын маршше почеш торжественный таҥошкылмашын участникше- влак парад подразделенийлан радамыштышт чаткан ошкылмыштым тергеныт. 9-ше майыште  нуно 11 шагатлан тӱҥ трибуно ончыч ошкыл каят. Пайрем площадке- влак оласе чыла районыштат пашам ыштат. «Курымашлык полк» акций тений онлайн-формат дене эрта.
             Фото: Марий Элым вуйлатышын  администрацийжын увер дене пашам ыштыше пӧлкаже.