83 процент еҥ ончыкылык пенсийже кузе чумыргымым сайын умыла
Ончыкылык пенсий нерген республикысе пенсий фондын клиентше- влак коклаште социал йодыштмашым эртарыме. Шукыжо пенсий системын негызшым сайын палат. 83 процент еҥ ончыкылык пенсийышт кузе чумыргымым сайын умылат. Пенсийын балл гычын чумыргымыж нерген 87 процент пала. 11 процент еҥ балл нерген нимат ом пале манын каласен. Пенсийым налаш 10 ий деч шагал огыл стаж лийшашым пел утла йодыштмо еҥ шинча. 67 процент йодыштмо еҥ пенсийын мыняр лийшашыже стажын кужытшо деч шогымым пала. Тыгак пашадарын кугытшо да пашам пуышо страховой взносым мыняр тӱлымӧ деч пенсийын кугытшо кылдалтмым 73 да 58 процент еҥ умыла. Тыгак пенсий ийготыш шумеке, вигак пенсийым от офрмитле, а умбакыже пашам ыштет гын, пенсийын кугурак лиймыжым кажне кумшо ен умыла. 20 процент йодыштмо еҥ йочан мыняр улмыжо дечат пенсийын кугытшо шогымо нерген пала. Молан манаш гын, йочам ончымо жап ача-ава кокла гыч иктыжлан страховой огыл жап семын палемдалтеш. Йодыштмашым пенсийыш шудымо еҥ- влак коклаште эртарыме. Нуно 20 гыч 60 ияш марте лийыныт. Анкетылан 93 пӧръеҥ да 114 ӱдырамаш вашештен.
