Ачамландым аралышын кечыже вашеш спецоперацийын ветеранже ойыртемалтше пӧлекым налын
Ачамландым аралышын кечыже вашеш Советский район гыч спецоперацийын ветеранже Александр Моторов ойыртемалтше пӧлекым налын. Тудлан шола кидын кызытсе жаплан келшыше протезшым пижыктеныт. Тидлан оксам Социал фонд деч электрон сертификат почеш ойырымо, кодшо акшым «Ачамландым аралыше- влак» фонд тӱлен. Александрлан 41 ий. Кодшо ийын мартыште тудо микропроцессор полшымо дене виктарыман протезлан йодмашым пуэн. Ынде у «кидлан» тунемеш. 8 миллион теҥгем шогышо протезым лӱмын тудлан ямдыленыт. Александр модельым шке ойырен налын. Тушко кидым тарватылме датчик- влакым вераҥдыме. Протез дене пашам ышташ эре тренироватлалташ кӱлеш, чогашыл нагрузкылан тунемшаш, а неле движений- влаклан лу режиман мобиль приложенийже уло.
Фото: Йошкар-Ола администраций.
Фото: Йошкар-Ола администраций.
