«Самырык тукым да йоча-шамыч» калыкле проект кышкарыште Йошкар-Олаште у школым чоҥат

«Самырык тукым да йоча-шамыч» калыкле проект кышкарыште Йошкар-Олаште у школым чоҥат
             «Самырык тукым да йоча-шамыч» калыкле проект кышкарыште Йошкар-Олаште у школым чоҥат. Тудо индешыме А микрорайонышто лийшаш. Проектым 2025-ше- 2027-ше ийлаште шыҥдараш палемдыме. Объектын тӱналтыш акшым оборудований деч посна ик миллиард теҥгеш аклыме. Кызыт подряд органиазцийым ойырен налме шотышто конкурс процедура кая. Школ тӱжемат 100 йочалан тунемаш келыштаралтеш. Тунемме кабинетла деч посна тушто спорт да актовый зал, книгагудо, кочмывер лийшаш улыт. У мебель да технологий оборудований дене пойдарат. Кумдыкышто икмыняр функционал зона лийшаш: физкультура да спорт, каныш, озанлык, тунемме да опыт, тӱҥалтыш военный ямдылалтмаш зоно- влак. Марий Элым вуйлатыше таче «Единый Российын»  калык программыже почеш у тунемме тӧнежлам чоҥымо да капитально олмыктымо программым шыҥдарымылан пӧлеклалтше селектор совещанийыште участвоватлен. Совещанийым партийын генеральный советшын секретарьже Владимир Якушев ден просвещений министр Сергей Кравцов эртареныт. Республике кыдалаш профессионал тунемме тӧнежлам капитально олмыктымо программышке чолган ушнен. Тений Автодорожный техникумын тунемме корпусшым, Йошкар-Ола строительный техникумын тӱшкагудыжым олмыкташ палемдыме. Тыгак тений «Туныктымо школ системым модернизироватлымаш» федерал программе умбакыже шуйдаралтеш. Тудын кышкарыште 9 тунемме организацийыште 10 зданий олмыкталтеш- Шернур, Куженер, Марий Турек да моло районлаште. Республике тыгак йоча садлам капитально олмыктымо федерал программым шыҥдараш тӱҥалеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски