Шкетан театрын артистше- влак икымше марий режиссёрын шочмо кундемышкыже каят
Шкетан театрын артистше- влак икымше марий режиссёрын шочмо кундемышкыже каят. Тений марий театрын историйыштыже кӱлешан дата палемдалтеш- икымше марий профессионал режиссёр Алексей Маюк-Егоровын шочмыжлан 120 ий темме кече. Тиде событий лӱмеш Шкетан лӱмеш марий драма театрын артистше- влак 19-ше февральыште режиссёрын шочмо кундемышкыже- Курык марий районыш каят. Виловат ялысе тӱвыра пӧртыштӧ труппа талантан землякыштлан пӧлеклалтше концертым ончыктат. Алексей Иванович лӱмлӧ режиссёр гына огыл, новатор лийын, республикыште театрым вияҥдымашке кугу надырым пыштен.
Фото: Шкетан лӱмаш марий драма театр.
Фото: Шкетан лӱмаш марий драма театр.
