Андрей Эшпай ден Евгения Симонова Эшпай тукымын шарнымашан верышкышт миеныт

Андрей Эшпай ден Евгения Симонова Эшпай тукымын шарнымашан верышкышт миеныт
           Андрей Эшпай ден Евгения Симонова Эшпай тукымын шарнымашан верышкышт миеныт. Марий Эл кугыжаныш Погыным вуйлатышын икымше алмаштышыже Лариса Яковлева кинорежиссёр, Россий сымыктышын сулло деятельже Андрей Эшпай да Российын калык артисткыже Евгения Симонова дене пырля Эшпай тукым дене кылдалтше пале верлашке миеныт. Уна- влак мемнан республикыш «Кӱчык И» кумшо кинофестиваль кышкарыште толыныт. Нунын маршрутышт Кокшамарий ял гыч- марий профессионал семлан негызым пыштыше Яков Анлреевич Эшпайын шочмо ялже гыч тӱҥалын. «19-ше-20-шо курымласе Кресаньык сурт» пӧртыштӧ лийыныт, Яков Эшпай ден Иван Ключников-Палантайын бюстышт деке пеледышым пыштеныт.
            Вара нуно Чуваш республикысе Мариинский Посад олаш миеныт. Тушто нунын ачашт Андрей Яковлевич Эшпай ден авашт палыме лийыныт. Антрей Эшпай тиде олам шкенжын кокымшо шочмо вержылан шотлен. Аваже Валентина Константиновна руш йылме ден литературым туныктен, калык мурым шуко пален, палыме композитор, икмыняр хор коллективым чумырышо Анатолий Тогаевын ӱдыржӧ лийын. Андрей Эшпай тиде олаште кажне кенежым эртарен. Верысе школын зданийыштыже Андрей Яковлевич эвакуаций годым тунемын да 1942-шо ийыште тунем лектын.
            Тушто композиторын бюстшо шога. Тудын лӱмжым верысе тӱвыра пӧрт ден кинотетар нумалыт. Визит кышкарыште Андрей Эшпай, Евгения Симонова да Лариса Яковлева ончыклык Сем тоштер кумдыкышто сиреньым шынденыт. Тудым композиторын ешыже дене пырля ыштат. Тоштер комплексыш Андрей Яковлевич Эшпайын рояльжым кондаш шонат.
             Фото: Марий Эл Кугыжаныш Погын.

Прошлые выпуски