Республикыште эше 20 «Земский тӱвыра пашаеҥ» сомылжым шукташ тӱҥалын
Марий Элым вуйлатыше Юрий Зайцев «Тӱвыран земский пашаеҥже» республикысе программым шыҥдарымылан пӧлеклалтше Торжественный мероприятийыште участвоватлен. Тений республикылан квотым вич пачаш кугемдыме: нылыт гыч 20 еҥ марте. Конкурс дене ойырен налме почеш сеҥыше 20 еҥым Курык марий, Килемар, Куженер, Медведево, Морко, У Торъял, Оршанке, Параньга, Шернур, Советский да Юрино кундемлаш пашаш пуртымо лиеш. Теҥгече конкурсышто сеҥыше да тӱвыра тӧнежлам вуйлатыше- влак коклаште паша ойпидышым кылдыме. Программын участникше- влаклан ик гана ик миллион теҥге оксам пуат. Республикым вуйлатыше палемден: изирак илемлашке профессионал- влакын пашаш толмышт верысе тӱвырам вияҥдаш кугу шӱкалтышым пуа. Юрий Зайцев тиде программе почеш тымарте пашашке чолган ушнышо ныл еҥлан тауштымашан серышым кучыктен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
