Параньга районышто шурным коштымо комплексыш газым пуртеныт
Параньга районышто шурным коштымо комплексыш газым пуртеныт. «Газпром газораспределение Йошкар-Ола» ушемын специалистше- влак газ пуч деке Ирнур ялысе шурным коштымо комплексым ушеныт. Газым пурташлан пучым чоҥымо, оборудованийым ушымо. «Газпром газораспределние Йошкар-Ола» ушемын генеральный директоржо Михаил Владимиров палемден: пучысо газым кучылтмо дене кӱчык жапыште шукырак пырчым кошташ лиеш. Предприятийыште газым ителлектуал шотлышо оборудований уло. Тудо роскотым шотлаш да газлан тӱлаш пашам куштылемда. Ирнурышто комплексым газифицироватлымаш- тиде инфраструктурым вияҥдымашке да ял озанлыклан полшымашке эше ик ошкыл.
Фото marigaz.ru
Фото marigaz.ru
