Арня мучашыште Марий Элын тӱвыра печать да калык- влакын пашашт шотышто министерствым ыштымылан 70 ий темме лӱмеш пайрем мероприятий эртен

Арня мучашыште Марий Элын тӱвыра печать да калык- влакын пашашт шотышто министерствым ыштымылан 70 ий темме лӱмеш пайрем мероприятий эртен
                 Арня мучашыште Марий Элын тӱвыра печать да калык- влакын пашашт шотышто министерствым ыштымылан 70 ий темме лӱмеш пайрем мероприятий эртен. Тушто Республикым вуйлатыше Юрий Зайцев участвоватлен. Эн ончыч тудо выставкым да театр, книгагудо, тоштер, архив, тӱрлӧ паша корно дене вияҥме нерген документал фильмым ончен лектын. Вара погынышо- влак ончылно палемден: эртыше ийлаште ведомство республикысе тӱвырам вияҥдымашке виктаралтше кугу пашам шуктен. Юрий Зайцев тӱвырам вияҥдымашке надырым пыштыше да ойыртемалтше пашаеҥ- влаклан наградым кучыктен. Мутлан, Эрик Сапаев лӱмеш опера да балет театрын художественный вуйлатышыжын алмаштышыже Людмила Царегородцева «Марий Эл ончылно надырлан» кокымшо степенян орден дене палемдалтын. «Марий Эл ончылно надырлан» орденын медальжым ВГТРК-н филиалже «Марий Эл» ГТРК-н радиовещаний службыжын программым вӱдышыжӧ Аркадий Сергеевлан пуымо. «Марий Эл тӱвыран сулло пашаеҥже» Чап лӱмым Советский район гыч Валентина Ефремова, Медведево район гыч Лада Иванова, Звенигово кундем гыч Галина Кудрявцева, Морко вел гыч Алевтина Павлова, Марий Турек кундем гыч Лира Сергеева, Палантай лӱмеш тӱвыра да сымыктыш колледж гыч Марина Степанова налыныт.
                 Фото: Тӱвыра министерстве.

Прошлые выпуски