Марий Элым вуйлатыше 24-ше федерал Сабантуйлан ямдылалтме шотышто организационный комитетын заседанийжым эртарен
Марий Элым вуйлатыше 24-ше федерал Сабантуйлан ямдылалтме шотышто организационный комитетын заседанийжым эртарен. Пайрем шушаш ийын эртышаш. Тӱҥ сценыже Медведево ипподром кундемыште лиеш. Тиддеч посна моло площадкылаште тӱрлӧ мероприятий- влак эртаралтыт. Ямдылалтмашым радамлын организационный комитетын заседанийыштыже каҥашыме. Федерал кӱкшытан сабантуйым эртарымаш Марий Эллан почётан сомыл. Ме тудым сай кӱкшытыштӧ эртарышаш улына. Тудо Марий Элысе да Татарстанысе калыклан гына огыл, моло кундемла гыч толшо уна- влакланат кугу событий. Сандене оргкомитетын еҥже- влакым йодышым кугу ответственность дене виктараш ӱжам,- каласен Марий Элым вуйлатыше.
Тӱвыра министр Константин Иванов увертарен: Федерал сабантуй кышкарыште 23-шо гыч 29-ше июнь марте татар тӱвыра арня эрта. Татарстан республикысе калыкле сылнымутын да сӱретче- влакын выставкышт, татар эстрадын концертше, «Золотая орда» спектакль лийшаш улыт. Пайрем кечын ипподромышто «Марий Этноял» площадке лиеш. Тушто чыла район шке кид-паша сымыктышыжым, калыкле кухньо сийым, йӱлам ончыктат. Сабантуйын унаже- влак калыкле кучедалмашым, армрестлингым, мас-рестлингым, кирам нӧлтымашым, имне дене таҥасымашым ужын кертыт. Пайремыште ял озанлык технике выставке пашам ышта, республикысе вӱдышӧ производитель- влак шке продукцийыштым ончыктат. Юрий Зайцев палемден: ямдылалтме паша график почеш кая. Но чыла татшым шотыш налаш кӱлеш: тӱзландарыме йодышым, уна- влакым вераҥдымым, транспортым ямдылымашым да лӱдыкшыдымылыкым.
Фото: Марий Элым вуйлатышын администрацийжын увер дене пашам ыштыше пӧлкаже.
Тӱвыра министр Константин Иванов увертарен: Федерал сабантуй кышкарыште 23-шо гыч 29-ше июнь марте татар тӱвыра арня эрта. Татарстан республикысе калыкле сылнымутын да сӱретче- влакын выставкышт, татар эстрадын концертше, «Золотая орда» спектакль лийшаш улыт. Пайрем кечын ипподромышто «Марий Этноял» площадке лиеш. Тушто чыла район шке кид-паша сымыктышыжым, калыкле кухньо сийым, йӱлам ончыктат. Сабантуйын унаже- влак калыкле кучедалмашым, армрестлингым, мас-рестлингым, кирам нӧлтымашым, имне дене таҥасымашым ужын кертыт. Пайремыште ял озанлык технике выставке пашам ышта, республикысе вӱдышӧ производитель- влак шке продукцийыштым ончыктат. Юрий Зайцев палемден: ямдылалтме паша график почеш кая. Но чыла татшым шотыш налаш кӱлеш: тӱзландарыме йодышым, уна- влакым вераҥдымым, транспортым ямдылымашым да лӱдыкшыдымылыкым.
Фото: Марий Элым вуйлатышын администрацийжын увер дене пашам ыштыше пӧлкаже.
